موجودہ دور میں میڈیا کا بہت ہی اہم رول ہے ،جسے کوئی بھی فراموش نہیں کر سکتا، شیڈو ہوم منسٹر محمد افضل


موجودہ دور میں میڈیا کا بہت ہی اہم رول ہے ،جسے کوئی بھی فراموش نہیں کر سکتا، شیڈو ہوم منسٹر محمد افضل خان ……………………………………….۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانچسٹر ( شکیل قمر )ہاؤس آف کامن میں شیڈو ہوم منسٹر محمد افضل خان نے کہا ہے کہ موجودہ دور میں میڈیا کا بہت ہی اہم رول ہے ،جسےکوئی بھی فراموش نہیں کر سکتا ،اُنہوں نے یہ بھی کہا کہ مجھے برطانوی پارلیمنٹ میں اپنے سفر کا آغاز کئیے ہوئے آج تقریباً ایک سال کا عرصہ گذر چکا ہے لہذا میںَ اب تک کی اپنی ترجیحات اور دیگر معاملات کو لیکر اپنے پرنٹ اورالیکٹرانک میڈیا کے دوستوں کے ساتھ باہم گفت وشنید کرنے آیا ہوں،وہ ایک مقامی ریسٹورنٹ میں گریٹر مانچسٹر کے تمام صحافیوں کے اجتماع سے خطاب کر رہے تھے ،گورٹن مانچسٹر

کے حلقے سے بہت بڑی تعداد میں ووٹ لیکر ایم ،پی، اے،منتخب ہونے والے لیبر پارٹی برطانیہ کے رہنما اور مانچسٹر کے ہر دل عزیز

سیاست دان محمد افضل خان نے یہ بھی کہا کہ میں نے اپنی سیاسی زندگی میں میدیا کو ہمیشہ شامل رکھا ہے وہ چاہے لوکل کونسل کا انتخاب ہو یا لارڈ مئیر آف مانچسٹر منتخب ہونیکا معاملہ ،یورپین پارلیمنٹ کا رکن منتخب ہونے کی بات ہو یا ہاؤس آف کامن کا رکن بننے کے مرحلے میںکسی بھی جگہ اپنے میڈیا کے ساتھیوں کو نہیں بھول پایا اور مجھے اس بات پر فخر ہے کہ میرے میڈیا کے دوستوں نے بھی ہر ہر مرحلے پر میری رہنمائی کی ہے ،یاد رہے کہ محمد افضل خان شیڈو ہوم منسٹر بننے کے بعد گریٹر مانچسٹر کی صحافتی تنظیموں کے نمائیندوں ،الیکٹرانک میڈیاپرسنزاور پرنٹ میڈیا کے نمائیندوں کے اعزاز میں دئیے گئے ایک سالانہ عشائیہ کے موقع پر حاضرین سے خطاب کر رہے تھے ،اس عشائیہ کا اہتمام خود محمد افضل خان شیڈو ہوم منسٹر نے کیا تھا ،اس موقع پر تمام صحافیوں نے محمد افضل خان کا شکریہ ادا کیا اور اُن کے مستقبل کے لئے نیک تمناؤں کا اظہار کیا ،عشائیہ میں شرکت کرنے والے ممتاز صحافیوں میں خبریں اخبار کے مینیجنگ ایڈیٹر محمد جاوید خان ،اسپیکراخبار کے چیف ایڈیٹر محبوب الہی بٹ ،پریس کلب مانچسٹر کے صدور طلعت گوندل اور شکیل قمر ،ایشین ساؤنڈ ریڈیو کی ممتاز خاتون اینکر

روبینہ خان، اُردو گلوبل برطانیہ کے مینیجنگ ڈائریکٹر شہزاد مرزا ،خبریں ٹی وی کے ڈائریکٹر طارق لودھی ،جنگ جیو کے غلام مصطفیٰ مغل اورتنویر کھٹانہ، ریز نیوز کے رحمن خان ،اُردو ٹائمز کے طاہر چودھری اور تاثیر چودھری ،چینل فورٹی فور کے وسیم چودھری ،سما ء ٹی وی کے بیوروچیف ثاقب راجہ ،وی ٹی وی اور چینل فورٹی نائین کے میا ں عامر علی ،ممتاز فوٹو گرافر اویس احمد ،بنگلہ ٹی وی کے ماہی میثم ،سنگم ریڈیو کے نوید

چوہان ، ممتاز پریس فوٹو گرافر غلام حسین ،اے آر وائی کے زاہد نور،دنیا ٹی وی کے اسحاق چودھری ،کرسچین ٹائمز کے پرویز مسیح ، پریس کلب کے ڈپٹی سیکریٹری جنرل شوکت قریشی اور سابق لارڈ مئیر آف مانچسٹر کونسلر نعیم الحسن کے علاوہ دیگر مقامی صحافیوں نے بھی بڑی تعداد میںشرکت کی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

85total visits,1visits today

Leave a comment

Your email address will not be published. Required fields are marked *